Daevas (Marvel විශ්වයේ හින්දු දෙවිවරු)

Daevas කියන්නේ පුරාණ ඉන්දියාවේ ජනයා සහ පෘථිවියේ මැද පෙරදිග බොහෝ ප්‍රදේශ විසින් හින්දු ආගමේ දෙවිවරුන් ලෙස වන්දනාමාන කරන ලද ජිවී කොට්ඨාසයක්. ඔවුන් මාවල් විශ්වය තුළ නිර්වාණය නම් ස්ථානයේ ජීවත් වෙනවා.අපිට ඉස්සෙල්ලම මේ Daevasලව මාවල් විශ්වය තුළ බලාගන්න පුළුවන් වෙන්නේ 1980 ඔක්තෝම්බර් වල පළවුණු Thor #300 comic issue එකෙන්. මෙයාලව මාවල් විශ්වය තුළ නිර්මාණය කරන්නේ Mark Gruenwald,Ralph Macchio,Keith Pollard විසින්, (හැබැයි හැම Daeva කෙනෙක්වම මෙයාලා නෙමෙයි නිර්මාණය කරන්නේ. )

==========================================

Daevasලගේ  නිශ්චිත බිහිවීම, සියලු ලෝකයන්ගේ දේව කොට්ඨාසයන් මෙන්ම, පුරාවෘත්තයෙන් ආවරණය වී ඇත. සමහර චින්තන පාසැල් වලට අනුව, බ්‍රහ්ම, ශිව සහ විෂ්ණු දෙවිවරුන් Gaea ගේ රන් ගර්භාෂය වන හිරන්යාගර්භ තුළින් බිහි විය (පසුකාලීනව Daevasලා  අතර මෙය "ආදිති" ලෙස හඳුන්වා ඇත). මෙම දෙවිවරුන් තිදෙනා සාමූහිකව ත්‍රිමූර්ති ලෙස හඳුන්වා ගත් අතර විශ්වයේ සමතුලිතතාවය පවත්වා ගැනීම සඳහා ඔවුන්ගේ බලතල භාවිතා කිරීමට එකඟ වූහ. මැවුම්කරුවා වූ බ්‍රහ්මයා ප්‍රාථමික ජලය ජීවය සමඟ වැපිරුවේය; මැවීම සහ විනාශය අතර සියුම් සමබරතාවය පවත්වා ගැනීමෙන් බ්‍රහ්මයා විසින් නිර්මාණය කරන ලද ජීවිතය පවත්වා ගෙන යාම සම්බන්ධයෙන කටයුතු කිරීමට විෂ්ණු නම් භාරකරුට යොමු විය. ශිවගේ වගකීම වූයේ එක් දිනකදී සියළු ජිවය විනාශ කිරීමය(ලෝක විනාශය වගේ තමයි). එවිට බ්‍රහ්මයාට එය අලුතින් නිර්මාණය කළ හැකිය. ත්‍රිමූර්ති ඔවුන්ගේ උපන් රාජධානිය වූ නිර්වාණයේ තමන් සිටි ප්‍රදේශ වල විසූ අනෙකුත් සියළු Daevasලගේ  පාලකයන් ලෙස වෙන වෙනම රජ විය. බ්‍රහ්මයා මේරූ කන්දේ වාසය කළ අතර ශිව කයිලාසා කන්දේ වාසය කළ අතර විෂ්ණු වාසය කළේ වයිකුන්තය තුළ ය; කෙසේ වෙතත්, වැදගත් තීරණ ගැනීමට අවශ්‍ය වූ විට හෝ අන්තරායන් ඇති වූ විට දෙවිවරුන් තිදෙනාම රැස්වූයේ තීරණ ගෙන ඇත
==========================================
අපිට මේ කියන Daevasලව ඉස්සෙල්ලම හම්බවෙන්නේ thor හින්දා, මොකද Thor නිර්වාණයට යනවා Celestial වෙනත් ලෝකයන් වලට යන අතරම. අනෙක් සියලුම අස්ගාර්ඩියන්වරුන් ඝාතනය වූ විට, තෝර් උත්සාහ කළේ අනෙක් දේව කොට්ඨාස වල ජීව ශක්තියෙන් කොටසක් ගානේ ලබා ගෙන මියගිය සියළු ඇස්ගාර්ඩියන්වරුන්ට නැවත ජිවය දෙන්නයි. Thorට ඔහු සමඟ සටන් කොට පරාජය වූ "ශිව" හැර, අනෙක් Daevasලා ඔවුන්ගේ බලයෙන් කොටසක් සතුටින් ලබාදෙනවා, පසුව ඔඩින් සහ අස්ගාර්ඩියන්වරුන් පුනර්ජීවනය කිරීමට එලෙස ලබා ගත් බලයන් භාවිතා කරනවා.
==========================================

මේ ප්‍රසිද්ධ Daevasලා කීපදෙනෙක්, බලන්නකෝ දන්න කියන කට්ටිය ඉන්නේ.

⭕ත්‍රිමූර්තිය
     ✳️Brahma(creator): මැවීමේ දෙවියා
     ✳️Vishnu(protector): ස්වර්ගයේ හා සංරක්ෂණයේ දෙවියන්
     ✳️Shiva(destroyer): විනාශයේ හා පරිවර්තනයේ       දෙවියා
⭕Ganesha: බුද්ධියේ හා නුවණේ දෙවියන්
⭕Rama:
⭕Sita: Ramaගේ බිරිඳ වගේම Brahmaගේ මිණිබිරිය.
⭕Agni: ගිනි දෙවියන්
⭕Kali:මරණයේ, විනාශයේ , ජීවිතයේ සහ මැවීමේ දේවතාවිය
⭕Krishna:
⭕Maya: සිහින වලට හා මිත්‍යාවන්ගේ දේවතාවිය.
⭕Rathi: ආදරයට අධිපති දේවතාවිය
⭕Saraswathi: දැනුමට හා ඉගෙනීමට අධිපති දේවතාවිය
⭕Lakshmi:
⭕Indra: යුද්ධයේ හා කාලගුණය පාලනය දෙවියන්
⭕Hanuman: වානර වාංශිකයෙක් සහ Ramaගේ විශ්වාසවන්ත සේවකයා.
⭕Yama: මරණයට අධිපති
⭕Skanda:

==========================================

Powers

Superhuman Strength: හින්දු දේව මණ්ඩලයේ සියලුම සාමාජිකයින්ට යම් තරමක අධිමානුෂික ශක්තියක් ඇත. සාමාන්‍යයෙන්, Daevasලා අනෙක් දේව පැලැන්ති වලට වඩා භෞතික වශයෙන් ශක්තිමත් ය, බොහෝ දෙවියන් සතුව අත් දෙකකට වඩා තිබීම ඊට හේතුව වේ. සාමාන්‍ය පිරිමි දෙවියෙකුට ටොන් 40 ක් පමණ ඔසවා තැබිය හැකි අතර සාමාන්‍ය දේවතාවියකට ​​ටොන් 35 ක් පමණ ඔසවා තැබිය හැකිය.

Superhuman Speed: කෙටියෙන්ම ඉතා වේගවත්, හැබැයි දෙවිවරුන් අතර වේග සීමාවන් වෙනස් වෙනවා.

Superhuman Stamina: Daevasලගේගේ මාංශ පේශි මිනිසෙකුට වඩා කාර්යක්ෂම වේ. ඔවුන්ගේ මාංශ පේශි මිනිසුන්ට වඩා ශාරීරික ක්‍රියාකාරකම් වලදී අඩු තෙහෙට්ටුවක් ඇති කරයි.

Superhuman Durability: දෙවිවරුන්ගේ සම, අස්ථි සහ මාංශ පේශි මිනිසුන්ගේ ශරීරවලට වඩා දැඩි හා ශාරීරික තුවාල වලට ප්‍රතිරෝධී වේ.

Superhumanly Dense Tissue: දෙවි කෙනෙක්ගේ ශාරීරික පටක වල ඝනත්වය මිනිසෙකුගේ මෙන් තුන් ගුණයක් පමණ වන අතර එය ඔවුන්ගේ විශාල ශක්තියට තරමක් දායක වේ. එහි ප්‍රතිඵලයක් වශයෙන්, ඔවුන් පෙන්නුම් කරනවට වඩා බරයි.

Regenerative Healing Factor: සමහර දෙවිවරුන්ට තුවාල සිදුවිය හැකි අතර, එහෙම වුනොත් ඉක්මනින්ම සුව වෙන සුවවීමේ හැකියාවක් මෙයාලට තියෙනවා.

Immortality:fantasy world එකකදී දෙවි කෙනෙක් කියන්නේ අමරණියයි කියලා ඕනේ පොඩි එකෙක් දන්නවනේ.හැබැයි ඇත්තටනම් අපි දෙන පින් block උනු ගමන් එයාලා චුත වෙනවා.

Superhuman Agility: එකෙන්ම ඉතින් අහලා ඇතිනේ දෙවිවරුන්ගේ කඩිසර කම ගැන.

Shapeshifting: ගොඩක් දෙවිවරුන්ට තම රූපය වෙනස් කරගන්න හැකියාව තියෙනවා.

Mystical Energies: මැජික්,අද්භූත බලයන්, ඒක නම් ඔයාලා දන්නවනේ, ඇත්තටම අපි අහලා තියෙන විදියටම අසාධාරණයක් කරන්නේ නැතුව Marvel විශ්වයට මේ හිංදු දෙවිවරුන්ව අරගෙන තියෙනවා.

ඉතින් තවත් පෝස්ට් එකක් එක්ක ආයේ එන්නම්.
👍💪❤

Post by Akila Shehan Fernando